Nike Dr.Martens都极推!! 年度必备Panto

春夏又到！女孩子们又要开始为自己準备新一季的穿搭。Pantone颜色绝对係今年的Must have，去年年尾，Pantone更选出了「玫瑰石英粉红」及「宁静粉蓝」为2016 年度颜色！轻鬆打扮出斯文可爱造型又得、时尚率性的造型都得！不少化妆品及服装品牌都推出Pantone颜色的商品顺应潮流，咁又点少得波鞋衬埋一套呢? 今次就同大家预览今年大热的Pantone波鞋啦！

Nike AirHuarache Run

AirHuarache早在两年前已经掀起过热潮，不少潮人都有一对，贪佢容易衬衫！而今年再推出粉红、粉紫同米色三只颜色，少女味极浓，相信一定好受欢迎！笔者都好想入手一对呀！不过香港暂时唔会入货，要买就要搵下代购网店帮手喇。

 

Dr. Martens

Dr. Martens虽然一向走型格街头、摇滚路线，但都抵不住pantone热潮，将自家几对Classic鞋款推出粉红及粉紫色，少女超超超浓，而且香港已经有得买喇！唔知大家又啱唔啱呢?

8 孔短靴

搭扣 Mary Jane

3 孔绅士鞋

 

 

Vans Sk8-Hi

Vans就推出了一系列粉色 Vans Sk8-Hi，三只颜色分别有粉红、米白、粉绿色，好似啤梨、云尼拿、薄荷雪糕一样!Sk8-Hi是Vans的经典款色，超容易配衬。而且三个品牌当中价钱最相宜，现已于时尚网店 Feature发售，非常值得入手一对夏天衬下衫啊！